Los Angeles:
Ka Blake Lively ka la pyntip ba kan ym leit shim bynta ha ka MET Gala mynta u snem ha kaba kane ka puron wat lada ka ju shim bynta ha kane ka tamasa man la u snem pynban mynta ka kynti kan ym iohlad satia na ka daw jong ka jingioh khunrit.
Ka Blake manla u snem ka ju khring ia kiba bun da ki riam ki beit ba ka phong sha ka Met Gala bad ha u snem ba la leit ka riam ba ka phong kaba dei ruh ka Atelier Versace gown ka dei kaba la khring shisha ia kiba bun.
Ka Blake kaba dang shu ioh ia i khun basaw ha u Rymphang ka sngew ba ka jingbunkam ka dei ruh kawei na ki daw halor ka jingbym ioh jong ka ban shim bynta ha katei ka tamasa.
Ka Blake ka la kren halor ka jingbym shim bynta jong ka ha katei ka tamasa ha ka jingplie paidbah ia ka Tiffany & Co.’s store kaba ha NYC.Ia ka Met Gala la pynlong manla u snem ha ka taiew banyngkong jong u Jymmang bad ki khlur ak phlim, ki nongshna phlim, direktor, nongrwai, nongtrei mon sngewbha, nongpynwandur jaiñ bad jingdeng ki ju wan shim bynta.
Mynta u snem la buh ruh ia ka theme ha ka Met Gala kumba long manla u snem bad kane ka dei Karl Lagerfeld: A Line of Beauty.
