Mumbai:
Ka Alia Bhatt ka la wanrah nam bad burom ia ka India ha ka jingleit shim bynta sha ka Met Gala ha ka sien nyngkong ha kaba ka Alia ka la phong ia ka sopti ba la pynwandur da u Prabal Gurung kaba la suh tang da ki mawkordor suda.
Wat la kane ka dei ka sien nyngkong ia ka Alia ban don bynta bad ka Met Gala pynban ka la khring ia kiba bun da ka riam ba ka phong kaba i shong khia haduh katta katta.
Kane ka puron jong ka Heart of Stone ka la sngew ioh mynsiem ia ka riam ba ka phong ha ka Met Gala na kaei kaba la phong da ka Supermodel Claudia Schiffer ha u snem 1992 ban pyni ia ka riam iathoh ba la pynwandur da ka kompani Chanel.
Ka Alia ka ju shah khring bha ha ki riam ki beit ba la pynmih da ka Chanel bad sngewtynnad ban ioh ieng lang ha ka rynsan bad kiwei kiwei ki khlur ak phlim jong ki ri ka pyrthei.
Ka Alia watla ka la shim bynta ha ka sien nyngkong ha ka Met Gala pynban kam shim la pyni satia ia kata ka jinglong lehraiñ ne salia jong ka bad i kumba ka la pyn khreh na ka bynta ban ieng ha khmat jong kiba bun.
