Los Angeles:
Hadien 18 snem u Kevin Costner bad ka Christine Baumgartner ki la shim ia ka rai ban pyndkut noh ia ka jingkyntiew kurim jong ki ha kaba kane ka khubor kaba la mih ka la pynshaiong ia ki nongkyrshan u Kevin ki bym shym poi pyrkhat ba kine shijur kin poi shaduh une u pud ba kin hap ban pyndkut syndon ia ka jingiadei jong ki.
Ki lad pathai khubor ka Hollywood ki iathuh ba ka daw halor ka jingdkut noh kane ka jingkyntiew kurim ka long namar ka jingbym iahap jingmut.
La pynmih khubor nyngkong eh halor ka jingdkut noh ka jingkyntiew kurim u Kevin bad ka Christine da u nongai ktien jong u Kevin u Arnold Robinson uba la sngewsih bad sngewkhia mynsiem bha halor kane.
Ha ka jingshisha u Kevin bad ka Christine ki la pyrshang katba don ki lad ki lynti ban pynskhem bad ban pynneh ia kane ka jingkyntiew kurim hynrei ha bym don lad don lynti shuh da kumwei kim banse ban shim ia ka rai ban pyndkut noh syndon ia ka.
U Kevin bad ka Chris tine kaba dei ka Model bad ka nongpynwandur ia ki Handbags ki la sdang ban iaiaid naduh u 1998 bad dei ha u 2004 ba ki la shongkurim ha ka Ranch u Kevin kaba don ha Colorado.
Kine shijur ki la don 3 ngut ki khun bad u Kevin u long ruh u tyngshop jong ki phlim ba itynnad bha ha ki snem ba la leit kum ka Dances With Wolves, The Bodyguard bad Bull Durham.
Kum u tyngshop u Kevin ula paw ruh na ka bynta ka TV Series Yellow stone bad ula iohpdiang ia ka Emmy bad Golden Awards ha ki snem ba la leit.
Ka jingkyntiew kurim ia ka Christine ka dei kaba ar na ka bynta u Kevin ha kaba une u tyngshop ula dep ban shongkurim teng ia ka Cindy Costner naduh u 1978 haduh 1994 bad ula don ruh haduh 4 ngut ki khun samla na ka Cindy.
