Los Angeles:
Ka Kim Kardashian ka la khang ia ki nongtrei ban phong ia ki riam kiba thaba naba kane ka hehspah ka la buh kawei ka kyndon ia ki nongtrei bad kane ka long ba kin phong lang ia kijuh ki riam ha ka por ba ki dang don hapoh ka kam.
Ka daw ba ka Kim ka la hap ban khang ia ki nongtrei ba kin ym phong da ki riam kiba thaba ka dei khnang ba kin ym pynduh ia ka jingthaba bad jingitynnad ka iing.
Ka Kim kam banse ban hap buh noh da ka Uniform na ka bynta ki nongtrei iing jong ka khnang ba kin ialong lang kumjuh bad ha kajuh ka por ki rong ba ka Kim ka la ailad ia ki nongtrei ba kin phong ka dei Grey, Khaki bad Navy Blue.
Hynrei haba dei ka sngikha jong ki nongtrei kane ka hehspah ka ailad pat ia ki ba kin riam kin beit katba ki mon.
Ka Kim kaba long ruh ka trai jong ka SKKN bad SKIMS kam kwah ba ka jingitynnad jong ka iing ka sem kan duhnoh tang na ka daw ba ki nongtrei ki riam da kiba thaba bad kwah ban pynneh beit ia kane.
