Mumbai:
Ka Manisha Koirala ka la kren halor ka jingsngew pyrshah jong ka ia ka jingpynthymmai ia ki katto katne ki phlim rim ha kaba kane ka puron ka sngew ba da kaba leh ia kane ka pynduhnoh ia ka jingitynnad jong ki phlim rim.
Ha ka jingsngew ba shimet jong kane ka puron ki phlim rim ai ba kin neh bad ba kin long beit kumne bad ym dei satia ban pynkylla ne ban pynthymmai biang ia ki tang na ka daw ban kamai pisa.
Kane ka puron ka la ai jingmut ia ki nongshna phlim bad ki direktor ba nangne sha khmat kim dei shuh ban dang shim ia ki phlim rim ban pynthymmai ia ki ha kaba ban ia kaba leh kumne ka dang kham bha eh ban shu shna beit da kaba thymmai.
Kane ka puron jong ka Heera mandi ka sngew ruh ba ka Bolly wood ka la hiar bha katba dang iaid ki snem tang na ka daw jong ka jing leh kumne ia ki phlim kaba la sdang pynngiah noh ia ki paidbah ban peit phlim.
Ha kajuh ka por ka la ai jingiaroh ia ka Tollywood kaba ym shim la leh kumba leh ka Bollywood bad kaba pynneh ia kaei kaba dei ban long.
