London:
Ka Mariah Carey bad u Lewis Capaldi ki la iohrah ia ka BRIT Billion Awards ha kaba kane ka dei ka sien nyngkong na ka bynta kine arngut ki nongrwai ban iohpdiang bad iohrah ia ka BRIT Awards.
Ha ka jingiohpdiang khusnam jong ka Mariah bad u Lewis kiwei kiwei ki nongrwai bad kynhun rwai kiba la iohpdiang khusnam lang ki kynthup ruh ka ABBA, AJ Tracey, Headie One, Rita Ora, Sam Smith, Ellie Goulding, Anne-Marie bad George Ezra.
Ka Mariah ka dei ka nongrwai kaba la slem bad kaba paw pyrthei bha bad kaba la iohnong bad kamai spah bha da ka jing iaid ki thup jingrwai ba ka pynmih bad kumjuh ruh ka long ia u Lewis Capaldi uba la khring ia kiba bun da ki jingrwai jong u.
