Los Angeles:
U Emilio Estevez u la kyrmen skhem ba un ioh ban ak biang kum u Billy the Kid ha ka Young Guns ha kaba une u tyngshop uba la don mynta 60 snem u sngew ba kane ka phlim ka dei kaba itynnad bha ha ki por bad snem ba la leit bad u kyrmen skhem ba yn iohlad ban shna sa ia kiwei kiwei ki bynta jong ka.
Ha ka jingiakren u Emilio bad ki lad pathai khubor ula pynpaw ba u kwah ban shna ia ka Young Guns sa ka bynta ba 3,4 bad 5 bad u tip shai beit ba ki paidbah kin kwah ban peitkai ia kine ki bynta lada pynmih.
U Emilio ula iathuh ba la ioh jingbit ban shna bad pynmih sa kiwei kiwei ki bynta jong ka Young Guns bad lada don kiba treh ban thoh khana halor kine ki bynta ka long kaba biang eh. Ha ki snem ba la leit ia ka bynta banyngkong bad ba-ar jong ka Young Guns la pynmih da ka 20th Century Fox ha ryngkat ka Warner Bros bad u Estevez ula ak ia ka bynta ba sha khmat.
Ki lad pathai khubor ki iathuh ba u Emilio u lah ruh ban shimti kum u direktor jong ki bynta ba shadien jong kane ka phlim. Haba iakren halor ki phlim u Emilio ula ak ha ka The Way kaba yn pynmih ha ka 16 tarik mynta u bnai.
