Shillong, Jymmang 07:
Ïa ka met jong u Bah Running Nongkynrih, u nongñiah trok uba la shah kynnoh siat ïap ha ki shipai BSF ha ka miet Sngi Thohdieng la leit on thang donburom ha ka Sngi U Blei.
U Bah Nongkynrih (32 snem ka rta) uba na ka shnong Jalynteng, Nongkynrih u la shah kynnoh siat ïap ha ki shipai BSF ha ka miet Sngi Thohdieng hajan ka shnong Mawshun, East Khasi Hills katba u dang leit kit masi lem bad u para arkmie jong u, u samla Ribalskhem Nongkynrih.
La thang donburom ïa ka met jong u ha u Lum jingthang ka shnong Jalynteng hadien ka jingleh niam leh rukom.
Na ka liang ki nongkren ha kane ka sngi ki la dawa na ka Sorkar ba kan ai ka jingbishar kaba hok haba ïadei bad katei ka jingjia.
