Mumbai:
Ka Neena Gupta ka la pynpaw ka jingsngewbishni ia ki puron kane ka juk ba mynta naba ki ioh ban phong ia ki Gown kiba itynnad sha kino kino ki tamasa namar ba ha ki por jong ka ym shym la don satia ki ban suh ia ki Gown kiba itynnad kumba long kane ka juk ba mynta.
Ka Neena kaba la ak ha ki katto katne ki phlim ba itynnad bad kumjuh ruh ki serial ka shu peit iapbieit beit ia ki puron ba ki riam ki beit sha ki tamasa kiba la pynlong bad sngew ialade ba ka ruh ka kwah ban phong lem ia ki Gown hynrei ka rta kam shah bad kam ailad shuh ia ka.
Ka Neena ka sngew ba ka Alia, Deepika bad Priyanka ki ju phong ia ki Gown kiba iahap bha bad ka met ka phad bad ka dur ka dar jong ki bad ki phuh ki phieng bha haba ki phong ia ki. Kane ka puron ka la ai jingiaroh ruh ia ka Alia ha ka Met Gala bad sngew ba ka la wanrah burom ia ka ri baroh kawei.
