Los Angeles:
Ki Nongpeitkai jong ka American Idol ki la dawa ba dei ban weng noh syndon ia ka Katy Perry kum ka nongbishar jong katei ka rynsan iakob rwai bad ha ka jaka jong ka dei ban thung noh da ka Alanis Morissette kum ka nongbishar ba pura.
Ka khubor na Hollywood ka iathuh ba ki nongpeitkai kim sngew kwah satia ia ka Katy ban shong ha ka shuki nongbishar bad sngew ba kam nang satia ban ai jingmut ne ban ai mynsiem ia kito ki nongwan shim bynta ha kane ka show.
Bun ki la pynpaw ia ka jingsngew jong ki ba kane ka show kan ym long satia kaba itynnad lada dang don ka Katy bad ha kajuh ka por ki nongpyniaid jong kane ka show, lada ki kwah ba kane ka show kan khring ia ki nongpeitkai ki donkam ban weng noh syndon ia ka Katy na ka shuki nongbishar.
Hadien ba u Lionel Richie bad ka Katy ki la leit shim bynta sha London ban sakhi ia ka jingdeng pansngiat syiem u Charles u Ed Sheeran bad ka Alanis Morissette ki la shimti ia ka jaka jong ki bad bun ki la ai jingiaroh ia ka jingnang ban ai jingmut bad ban ai mynsiem jong ki ia ki nongwan shim bynta.
Naduh ba sdang ka Season bathymmai jong ka American Idol bun kim shim la sngewtynnad ia ka Katy bad ong ba ka la kren ia kaei kaei kaba pynmong bha ia ki nongwan shim bynta bad dei ruh na kane ka daw ba bun kim shim long sngewtynnad satia ia ka.
Shuh shuh don ruh kiba la pynpaw ba ka Katy ka dei ka briew kaba sarong bad kaba sngew stad bad sngewnang bha ban rwai bad dei ruh na kane ka daw ba kam ju ai jingmut ia ki nongwan shim bynta ha kane ka rynsan iakob rwai.
