Mumbai:
Ka Deepika Padukone kaba la ak ha ka Fast & Furious 7 ka la kren halor ka jingbym sngew duhnong jong ka hadien ba ka la kyntait ban ak ia ka bynta babud jong katei ka phlim ha kaba ka Deepika ka sngewthuh ba ka don kam ban pynleit jingmut ruh ha ki phlim Bollywood bad kam dei ban shu kmen tang ba ka la shah tyrwa biang ban ak ha ka phlim Hollywood.
Ka Deepika kaba la ak ha ki phlim kum ka Padmaavat, Chennai Express, Om Shanti Om, Love Aajkal bad kiwei kiwei kam shim don kano kano ka jingbabe halor ka jingkyntait ban ak ha ka Fast and Furious 8 bad sngew ba ha khmat jong ka, ki phlim Bollywood ki dei kiba long donkam bad kiba la pynlong ruh ia ka kumne kumba ka long mynta.
Kum ka puron ka Deepika ka sngewthuh kino ki phlim ba ka dei ban ak bad kino kiba ka kyntait bad dei ruh hangne ba ka shim ba ki phlim Bollywood ki dei kiba ai mynsiem bha ia ka bad lada ka kyntait ban ak ia ki ka jingduhnong kan long ia ka bad lehse ka lah ruh ban duhnoh ia ka lad ban ak ha ki phlim Bollywood ba itynnad hadien habud.
