Mumbai:
Uwei u samla na India uba pule ha UK uba la byrngem pyniap ia u Salman Khan la kem noh da ki pulit ha kaba katkum ka khubor ba la ioh la iathuh ba hadien ka jingwad jingtip kaba bniah jong ki pulit la lap ba une u samla uba pule shabar ri u la byrngem pyniap ia u Salman da kaba phah da ka ’email’.
Na ka por sha ka por, u Salman ula shah byrngem ha kaba ki pulit ka Mumbai ki la shim khia bha ha kaba iadei bad kane bad pynjur ruh ki lad pahara ia une u Superstar ka Bollywood.
Katkum ka khubor ba la ioh la iathuh ba une u samla pule uba la byrngem pyniap ia u Salman la tip kyrteng da u Goldy Brar bad hadien ba la kem noh ia u na UK yn sa wanrah ia u sha India na ka bynta ban pynlong ka jingtohkit.
Ki pulit ka Mumbai hadien ba ki la ioh jingtip ba don ki briew kiba la byrngem pyniap biang ia u Salman mardor ki la phah ia ka Look Out Circular (LOC) bad lap ia uba don kti ban phah ia kane ka jingbyrngem pyniap.
Ha ka jingwad jingtip la lap ba une u samla uba la byrngem pyniap ia u Salman u dei uba na Haryana bad uba dang pule Medicine ha UK.
Shuh shuh la ioh khubor ba u Brar ula phah ia kane ka email sha u Salman ha ka por ba ula don lang bad ki paralok jong u.
Ka jingshah byrn gem pyniap kaba na ka por sha ka por jong u Salman ka la pynlong ia ki bahaiing hasem bad ki paralok parajor jong une u tyngshop ba kin sngew syier bad sngew sheptieng na ka bynta jong u.
La ong ba u Salman pat u la pynpaw ba um don satia ka jing sngewsyier ia kiba kum kine kiei kiei. Haba iakren halor ki phlim une u tyngshop u dang shu dep ak ha ka Kisi Ka Bhai Kisi Ki Jaan bad ula wan shim bynta ruh ha ka Pathaan bad ha kajuh ka por un sa ak ha ka Tiger 3 bad ka Katrina Kaif.
