Los Angeles:
Katkum ka khubor na Hollywood la iathuh ba ka la don ka jing- iakren ban shna phlim halor ka kynhun rwai ‘One Direction’ ha kaba u Leonardo Di Caprio un sa ak ia ka bynta jong u Niall Horan.
Ka jingiakren ban shna phlim halor ka One Direction ka la long ha kine ki bnai ba la leit ha kaba ki dkhot kane ka kynhun ki la kwah ruh ia ki katto katne ki tyngshop ba paw ban ak bad shim ia ki bynta.
Ka One Direction ka dei ka kynhun ba paw bha jong ka UK bad kane ka kynhun ka kynthup ia u Harry Styles, Liam Tomlinson, Liam Payne bad u Zayn Malik.
Kane ka phlim kaba ym pat shim la tip mano ban direk kan sa khring bha ia ki nongpeitkai bad khamtam lei lei ia kito kiba ju sngewtynnad ban sngap ia ki jingrwai jong kane ka kynhun.
La ong ba naduh ka sien nyngkong ba ka la mih pyrthei ka One Direction ka la khring bha ia ki khynnah samla bad dei naduh ba u Zayn Malik ula mih noh na kane ka kynhun ba baroh ki dkhot jong ka, ki la iaid noh la ka jong ka lynti.
Ka jingiapait iapra noh jong kane ka kynhun ka long kaba la pyndiaw myn siem bha ia baroh ki nong kyrshan ka One Direction kiba ym shim poi pyrkhat ne khmih lynti ia kane.
