Mumbai:
Ka Alia Bhatt ka la long ka puron banyngkong na India ban shah jied kum ka nongrah ktien ka Gucci. Ka jingshah thung jong katei ka puron kum ka nongrah ktien ka dei ruh hadien ka jingwan shim bynta ha ka Met Gala bad khring ia kiba bun ba lang da ka sopti ba ka phong kaba la pynwandur da u Prabal Gurubng.
U 2023 u long u snem jong ka jingkyrkhu na ka bynta ka Alia ha kaba hadien jong ka phlim Hollywood ba ka la ioh ban ak, ka la ioh shim bynta ruh sha ka Met Gala bad mynta shah thu ng sa kum ka nongrah kti en ka Gucci.
Katkum ka khubor ba la ioh ym pat ju don kano kano ka puron jong ka Bollywood ban long nong rah ktien jong ka Gucci bad tang ka Alia marwei kaba la ioh ia kaba kum kane ka lad.
Ka Alia kaba la don 30 snem kan sa ioh ia ka lad ban pynbna ia kiei kiei kiba la pynmih thymmai da katei ka kompani ha kine ki snem ban wan bad kan sa shim bynta ruh ha ki rynsan bapher bapher jong ki ri ka pyrthei lem bad kiwei kiwei ki nong-rah ktien kane ka kompani.
Ha u snem ban wan kane ka puron kan sa shim bynta ruh ha ka Gucci Cruise ka ban long ha Seoul kum shi bynta ban rakhe ia ka jingdap 25 snem jong ka jingiaid lynti kane ka kompani ha kane ka ri bad ia ka Gucci Cruise yn sa rakhe ha Gyeong bokgung Palace.
Kiwei kiwei ki khlur ak phlim jong ki ri ka pyrthei kiba la long ruh ki nongrah ktien ka Gucci ki kynthup u tyngshop ka Squid Game u Lee Jung-jae, ka puron jong ka South Korea ka Mina Shin, Jun Shison, u nongrwai Harry Styles, ka Dakota Johnson bad kiwei kiwei.
Hadien ba ki hehduh ka Gucci ki la pynbna ia ka kyrteng ka Alia kum ka nongrah ktien ki paralok jong ka kiba don ha Bollywood ki la ai khublei ia ka halor kane.
Wat u tyngshop ka Hollywood u Adrian Dev ruh ula pdiang sngewbha ia ka Alia ha kaba iadei bad kane. Haba iakren pat shaphang ki phlim kane ka puron ka dang ap ia ka jingpyllait paidbah jong ka Rocky Aur Rani Ki Prem Kahani ka ban long ha ka 28 u Naitung.
