New York:
Ki Nongthoh khana jong ki phlim hapoh ka lama jong ka Writers Guild of America West, ki la pynlong ia ka jingiakhih bajur ha khmat jong ka shlem treikam jong ka Paramount Pictures namar ka jingdawa ban pynkiew ia ka jingsiew.
Kane ka dei ka sien nyngkong ha ka 15 snem ba ki nongthoh khana kin iakhih ha kaba iadei bad ka jingsiew ha kaba bun ki la pynpaw ia ki jingeh jong ki ba na ka daw jong ka jingsiew duna palat kim sngew don mon shuh ban thoh khana.
Haduh 11,500 ngut ki nongthoh khana jong ki phlim bad TV ki la ialum lang ban iakhih halor ka jingdawa ia ka jingsiew baheh bad rai ba lada ym don ba sngap ia kane kin sangeh treikam.
Ka Union ka la dawa ba dei ban pynkiew noh ia ka jingsniew ia ki nongthoh khana ym ban shu pynneh beit da kajuh ha kaba kane ka la ktah bha ia ki.
U Sean Crespo uba la 46 snem uba dei ruh uwei na ki nongthoh khana jong ki show ha TV ula ong ba wat lada ka kam ba u trei ka long kaba khia bha pynban bad ka jingsiew ym i iahap shuh shano shano.
Bun ki show kynthup ka NBC’s The Tonight Show, Comedy Cent ral’s Daily Show, ABC’s Jimmy Kimmel Live, CBS’s The Late Show bad NBC’s Late Night ki la rai ban ym pyni eiei katba ym pat shim la pyntreikam ia ka jingdawa jong ki nongthoh khana.
Lada kane ka jingdawa jong ki nongthoh khana kam shim la urlong kan mih ka jingeh bakhraw ha kaba bun ki show ha TV yn ym lah satia ban pyni.
Ka Alliance of Motion Picture and Television Producers, ka sngew ba ki nongthoh khana kin ym kwah satia ban iakhih kumne lada ki ioh ia ka jingsiew babiang hynrei dei namar ka jingshah khniot palat jong ki, kaba la pynlong ia ki ban poi shaduh une u pud.
Ka jingeh kaba ki nongthoh khana ki mad mynta na ka daw jong ka jingduna ka jingsiew ka dei namar ba la kiewdor lut nadong shadong bad ki shem jingeh ban pyndap pynbiang haiing hasem.
Mynta u snem bun ki nongtrei jong ki kompani bapher bapher kynthup jong ka Walt Disney Co, Warner Bros bad Disco very ki la shah weng kam na ka daw ba ki kompani kim lah shuh ban siew ia ki namar ka jingduhnong bad jinglutksan bad lada sa ki nongthoh khana kin iakhih kumne ka jingduhnong kan dang kham jur arshah.
