Los Angeles:
Ka Emma Watson kaba la kiar na ka kam ak phlim la kumba 5 snem ka la iathuh halor ka jingkmen ban ioh leh sa ia kiwei kiwei ki kam ba ka sngewtynnad ha ka jingim. Kane ka puron kam shym don kano kano ka jingbabe halor ka jingleh kiar na ka Hollywood bad ong ba ka la leh ia kaei kaei kaba dei.
Ka Emma kaba la paw na ka bynta ki katto katne ki phlim hadien jong ka Little Woman kaba la mih ha u 2019 kam shim la soi phlim thymmai bad ha kawei na ki interview kane ka puron ka la iathuh ba bun ki dang mutdur beit ba ka jingkiar jong ka na Hollywood ka dei ba ka thmu ban iehnoh syndon ia ka kam ak phlim hynrei kane kam shim long satia kumta naba ka kwah ban pynleit jingmut sa ha kiwei kiwei de ki kam.
Kane ka puron jong ka Beauty And The Beast ka la iathuh ruh ba kawei na ki daw ba ka la kiar shwa shipor na ka kam ak phlim ka long ruh ba kam long sngewtynnad ha kaei ba ka leh.
Mynta hadien ba ka la dap 5 snem ba ka la ieh ia ka Hollywood ka la shim ia ka rai ban mih pyrthei biang ban soi phlim thymmai.
