Mumbai:
U Hrithik Roshan um lah khlem da ai jingiaroh ia ka Priyanka Chopra ha kaba une u tyngshop ka Agneepath hadien ba ula peitkai ia ka Citadel kaba la ak da ka Priyanka ula itynnad bha ia kane ka phlim bad ong ba ka Priyanka ka la leh ia kaei kaei kaba donkam na ka bynta kane ka phlim ban pynbang bad pynlong ia ki paidbah ban kwah ban peitkai.
Ha ka jingsngew u Hrithik, ka Citadel ka long kawei na ki phlim ba itynnad bha jong ka Priyanka bad sngew ba kane ka puron ka biang ban ak bad ban shim ia kano kano ka bynta ha ki phlim.
Hadien ba la pynmih ia ka Citadel u Hrithik ula shim ia ka lad ban peitkai iaka bad lap ba ka da long shisha ka phlim ba itynnad kumba la iaroh da kiba bun.
Kaei kaba la khring bha ia u HR ha kaba iadei bad ka Citadel ka dei ka jingtbit ka Priyanka ban ak ia ka. Lyngba ka Instagram u HR ula ai jingiaroh ia ka Priyanka bad ong ba kaei kaei ba ka la leh na ka bynta kane ka phlim ka da long shisha kaba itynnad.
U HR bad ka Priyanka ki la iajan paralok naduh ba ki la ak lang ha ka Agneepath ha kaba kane ka long kawei na ki phlim ba itynnad jong ki snem ba la leit.
Hynrei hadien jong kane ka phlim kim shim la iohlad shuh ban ak phlim biang Haba iakren halor ki phlim thymmai ia u Hrithik ngin sa iohi ha ka Fighter kaba yn pynmih haduh u Kyllalyngkot 2024 bad ka Priyanka pat ka la ak ha ki katto katne ki phlim Hollywood bad kumjuh ruh ngin sa iohi ia ka ha ka Jee Le Zaraa kaba yn ak lang da ka Alia Bhatt bad Katrina Kaif bad kaba yn pynmih da u Farhan Akhtar.
