Mumbai:
Ka Cannes 2023 ka dei kawei na ki tamasa kaba la pyniakynduh lang ia ki khlur ak phlim na kylleng ki ri ka pyrthei ha kawei ka rynsan bad kumjuh ruh ki direktor, nongshna phlim bad nongpynmih phlim bad kumba long manla u snem mynta u snem ruh ka Bollywood ka la phah kumba katto katne ki khlur ak phlim ban shim bynta ha katei ka tamasa bad kumjuh ruh pynmih bad pyllait paidbah kumba katto katne ki phlim ha katei ka rynsan.
Katkum ka khubor na Bollywood la iathuh ba ki phlim kiba la rai ban pyllait paidbah ha Cannes ki long ka Kennedy kaba direk da u Anurag Kashyap ha kaba kiba la shim bynta ha kane ka phlim ki long u Rahul Bhatt, Sunny Leone bad Abhilash Thapliyal.
Kumjuh ruh ka Agra kan dei kawei na ki phlim ban pynmih ha katei ka rynsan bad la shna ia ka da u Kanu Behl bad ak da ka Priyanka Bose, Mohit Agarwal, Vibha Chibber, bad kiwei kiwei.
Ka Ishanou kaba dei ka phlim Manipuri kaba la shna da ka Aribam Syam Sharma’ ruh yn sa pynmih ha katei ka rynsan bad nalor kine ki phlim ki dang don ruh sa kiwei kiwei ki ban shim bynta ban pynmih ha katei ka rynsan.
Ha ka Cannes Film Festival ki puron ka Bollywood ki ban leit mih khmat kin long ka Anushka Sharma ha kaba kane ka dei ka sien nyng kong ia kane ka puron ban shim bynta ha katei ka rynsan, ka Manushi Chillar ruh kan sa shim bynta kum ka nongrah ktien ka Estee Lauder, Sonam Kapoor, Aishwa rya Rai Bachchan kum ki nongrah ktien ka L’Oreal, ka Deepika Padukone bad Priyanka Chopra.
Ki khubor ba la ioh ki iathuh ruh ba ka Aditi Rao Hydari bad u Vijay Verma ruh kin sa leit ban shim bynta ha katei ka tamasa na ka bynta ban pynbna ia ai phlim thymmai jong ki.
Ka Cannes Film Festival ka la sdang naduh ka 16 bad kan kut pat haduh ka 27 mynta u bnai bad kane ka long ruh kawei na ki tamasa ba khraw jong ka pyrthei.
