Shillong, Jylliew 08:
U Lamphang ka Ïingdorbar Thawaiñ ka Jylla, u Thomas A Sangma u la ai ka jingithuh ïa u MLA ka Congress na Mylliem konstitwensi u Bah Ronnie V Lyngdoh kum u nongïalam ka Liang Pyrshah ha kane ka Ïingdorbar Thawaiñ kaba khatwei ka Jylla.
Kane ka jingithuh u Lamphang ïa u Bah Ronnie kum u nongïalam ka Liang Pyrshah la pynmih ruh da ka jingpynbna ïar lyngba u Commissioner & Secretary ka Meghalaya Legislative Assembly kaba don ïa ka tarik kaba mynta ka sngi ka 8 tarik Jylliew, 2023.
Ha kajuh ka por, u Lamphang u la ai jingmynjur ban thung ïa u MLA ka Congress na Gambegre, u Saleng A Sangma, ba un long kum u Chief Whip ka Liang Pyrshah.
