Shillong, Jylliew 08:
Ki ’riew runar ha ka por 3 baje mynstep jong ka Sngi Palei, ki la leit pynjulor ïa kawei ka ATM Booth kaba don ha Pohkseh, Shillong da ka jingthmu ban tuh pisa.
U Sunil Ranjan Sen u la ujor ba ha ka 20 tarik Rymphang, 2023 ha ka por kumba 3 baje nohphai sngi, ki ’riew runar ki la leit prong sha ka shlem treikam jong u ha Jail Road, Shillong bad ki la tuh noh ïa ki kot ki sla kiba donkam.
Ka Kong Ksanrimai Syiemlieh ka la ujor ba ha ka miet jong ka 4&5 tarik Jylliew, ki runar ki la leit rung ha New Hope De-Addiction & Counselling Centre for Male ha Mawdiangdiang bad ki la lute ïa ka pisa kaba don kumba T. 45,000.
U Bah Allenby Pde u la ujor ba ha ka 18 tarik Jymmang, 2023, ki runar ki la tuh ïa ki tiar ki tar kiba dei bad u Transformer na Harisava, Laban.
Ha ka miet jong ka 3 tarik Jylliew, 2023, ki runar ki la leit prong ha ka dukan jong u Md. Monirul Haque ha Mendipathar Bazar (North Garo Hills), bad ki la tuh 21 tylli ki Mobile Phone ba shongdor kumba T. 78,800.
