
Jowai, Jylliew 09:
Ki pulit ka West Jaiñtia Hills District ki la khlong biang ïa ka met ïap jong kawei ka longkmie kaba la suba shah pynïap ha la u lok uba la tip kyrteng kum u Roibiang Pakma.
Katei ka longkmie dei kaba la tip kyrteng kum ka Kong Rodit Langstang (44 snem rta).
Katkum ka jingïathuh jong u Superintendent of Police, West Jaiñtia Hills District, u C. Syrti u la ïathuh ba ïa ka met jong katei ka longkmie, la lap da ki bahaïing ha ka 1 tarik Jylliew ha ïingsah jong ka ha Pamanik.
Ki bahaïing jong katei ka longkmie, da ka jingbym tip shaphang ki kyndon aiñ ki la pyndep ïa ka jingon tep ha kajuh ka sngi namar ba ki pyrkhat ba ka met ïap, ka neh la bun sngi.
Ki bahaïing jong katei ka longkmie ki la ujor da ka ejahar bad la khlong ïa ka met jong ka mynta ka sngi bad pynngat mukotduma ruh ïa kane ka kam.