![Phah bteng u Dalal ban leit jurip bniah ïa ki ïing ba la shna beaiñ dalal](https://unongsainhima.com/wp-content/uploads/2023/06/dalal-720x481.webp)
Gurugram, Jylliew:
U Myntri ba dei khmih halor ka rep ka riang jong ka Haryana u Jai Parkash Dalal ha kine ki khyndiat sngi ba la leit, u la ai ïa ki hukum sha ka Haryana Shahari Vikas Pradhikaran (ba la tip paidbah kum ka HUDA) na ka bynta ban bteng ha ka ban pynlong ïa ka jingkhmih bniah halor ka jingshna beaiñ ïa ki ïing kiba don ha ka Sector 38, 45,46 bad 57 bad ban pynlong noh ka jingker lada don kiba la shna beaiñ.
Ki heh ba dei khmih ki la ong ba ka HSVP ka la phah ïa ka shithi sha palat 200 tylli ki Guest House, ki bym shym la bud ïa ki kyndon ba la dei ban bud hapoh ka jingpyntreikam thymmai na ka bynta ki Guest House, ha kaba la bthah ïa ki ba la dei ban kurup noh ïa ki.
Katkum ka jingkhmih bniah halor ki rukom pyntreikam halor ki Guest House jong ka sorkar Haryana, ïa kaba la buh ha u Naitung jong u snem 2020, la ong ba ïa ki Guest House la lah tang ban mang ha ki jaka ba don ki surok ka ban long ha ka jingheh kaba 30 metre, ka jaka ka la dei ban long tang kumba 500 square yard ka jingheh bad kiba bun eh ki Guest House ki la dei ban long tang ar tylli ha ka Sector.
Ka jingai jingbit na ka bynta ban buh ïa ki Guest House la dei ban ai da ka Department of Town and Country Planning (DTCP) ha ki Privately Developed Licenced Colonies bad da ka HSVP ha ki Sector kiba hap hapoh ka jingkhmih jong ki.
U Dalal u la hukum ruh ïa ki heh sorkar kiba dei ban khmih bad kin buh jingmudui pyrshah ïa ki heh jong ka Municipal Corporation of Gurugram (MCG) kiba donkti ha ka jingshna ïa ka Badminton Court ha ka jaka jong ka HSVP kaba don ha Palam Vihar.
“Ki la don ruh ki jingmudui ba la don ka jingpom ïa ki dieng ha katei kajuh ka thaiñ bad u Deputy Commissioner u la shah bthah ba u la dei ban pynlong ïa ka jingtohkit kaba bniah halor kane ka bynta,” la ong u Dalal.