Shillong, Jylliew 13:
Uwei u nongñiah scooty u la lait salit na ki tyrsim jong ka jingïap hadien ba ka scooty ba u shong ka la shah rat ha kawei ka trok kaba wan mar pyrshah. Kane ka la jia ha ka step phyrngab jong ka Sngi Ba-ar hajan Shillong Civil Hospital.
Katkum ka khubor ba la ïoh la ong ba kane ka trok kaba don ïa u registration number ka Rajasthan. Ka la wan rung na ka lynti (one way) bad rat ïa ka scooty naduh na lad Barik shaduh shajan skul Step by Step.
La ïathuh ba kane ka jingjia ka la jia ha ka por 1 baje mynstep. La ong ruh ba kane ka trok ka la wan rung na ka surok one-way bad leit rat beit beit ïa ka scooty, hynrei donbok ba u nongñiah u la kloi kynthih na ka scooty ha shuwa ba ka trok kan rat bad rah ïa kane ka ar shaka haduh ba ka bynta ba shakhmat ka la lait la ka jong.
Shuh shuh la ong ba na ka liang jong u nongñiah jong ka trok mar ïa dep rat ïa katei ka ar shaka u la phet krad noh na katei ka jaka. Halor kane, ki pulit ki dang pynlong ïa ka jingtohkit halor kane ka jingjia ban lap dien ïa une u nongñiah trok.
