Shillong, Jylliew 13:
Ka sorkar jylla ha kine ki khyndiat sngi ka la pynkynriah kam ïa ki katto katne ki heh sorkar kiba dei ki IAS bad IRS.
U Chailiemkhum Sangute IRS, Principal Secretary ka tnat Labour bad Excise Registration Taxation & Stamps, u la shah weng noh kum u Principal Secretary ka Excise Registration Taxation & Stamps.
U Dr. Vijay Kumar D, lAS, uba bat kum u Commissioner & Secretary ka tnat Finance, Planning bad kiwei, un long ruh kum u Project Director ka Sustainable Tourism Enhancement for Livelihood Project kaba dei ka projek ba la bei tyngka da ka Asian Development Bank (ADB).
U S.C. Sadhu, lAS, Director, Community & Rural Development, Secretary ka tnat Fisheries bad kiwei, un peit ruh kum u Secretary ka tnat Excise Registration Taxation & Stamps.
U Ram Kumar S, lAS, uba long u Secretary ka tnat Health & Family Welfare bad kiwei, u la shah pynkynriah na ka kam Director, Programme Implementation & Evaluation.
Ka Kong I. Laloo, IAS, Secretary ka tnat Agriculture & Farmers’ Welfare, Excise Registration Taxation & Stamps, Commissioner of Taxes bad kiwei, kan long ruh kum ka Project Director, Farmers Mobilisation Project kaba dei hapoh ka Meghalaya Basin Management Agency. Hynrei ka sorkar ka la ai hukum ban pynkynriah noh ïa ka Kong Laloo na ka kam Commissioner of Taxes bad Secretary ka tnat Excise Registration Taxation & Stamps.
Shuh shuh ka sorkar ka la thung ïa u Rama Khrishna Chitturi, IAS uba dei u Joint Secretary ka tnat Finance, ba un shimti kum u Commissioner bathymmai ka tnat Taxes.
Ha kawei pat ka liang, u Bah E. Kharmalki, IAS, Secretary ka tnat Mining & Geology, Transport, Managing Director, Meghalaya Mineral Development Corporation, u la shah pynkynriah noh kum u Managing Director, Meghalaya Mineral Development Corporation.
Ha ka jaka jong u Bah Kharmalki, ka sorkar ka la thung ïa u Bah Saiñpynïar Syiemlieh, MCS, uba long u Joint Secretary ka tnat Forests & Environment, ba un long u Managing Director bathymmai ka Meghalaya Mineral Development Corporation.
