Shillong, Jylliew:
Ka Sankardev College Shillong ha ka Sngi Ba-Ar ka la pynlong ïa ka ‘National Workshop’ kaba kyrpang halor ka jingpynkhreh ban sdang pyntreikam pura noh ïa ka National Education Policy 2020 jong ka Sorkar India hapoh ka jylla.
Ha kane ka Workshop kaba ar sngi kynthih, la wan ïashim bynta da ki nonghikai skul bapher bapher na kumba palat 100 tylli ki skul na man ki district jong ka jylla Meghalaya. La shimkhia bad pynïaid ïa kane ka Workshop da ka IQAC, ka English bad History Department jong ka College ha ryngkat ka jingïatreilang bad ka Samagra Shiksha-State Education Mission Authority of Meghalaya, Education Department.
Kane ka Workshop ka long kum shi bynta ban pynkhreh janai ïa kata kaba la tip kum ka “G20 Janbhagidari events on ‘The Implementation of NEP 2020 with Special emphasis on the Foundational Literary & Numeracy under NIPUN-Meghalaya”.
La wan ban plie ïa kane ka ‘National Workshop’ da u Myntri ka sorkar jylla, Bah Paul Lyngdoh, ha ka jingdonlang ki ‘riew shemphang napoh ka jylla bad na kylleng ka Ri India.
Na ka liang i Principal jong ka College, Dr. E.F.P. Lyngdoh i la ai ïa ka jingkren pdiang sngewbha bad i Dr. Rapmebantei Kharkongor, Assistant Professor, Department of English kum i Convener i la maitphang ïa kane ka workshop, katba i Prof. M.S. Warjri, IQAC Coordinator i la ai ïa ki kyntien khublei.
Kiwei pat kiba ïadonlang ha kane ka jingïalang ki long katto katne ki Principal na kiwei kolej bad ki skul bad kumjuh ruh ki nonghikai na ki skul bapher bapher jong ka jylla Meghalaya baroh kawei.
Ka jingthmu jong kane ka workshop ka long ban plie ïa ka rynsan jong ki nongïadon bynta ha ka ban ïathir halor ki jingmyntoi bad ki jingeh jong ka NEP 2020.
La khot sngewbha ïa ki ‘riew shemphang sha kane ka workshop ba kynthup ïa u Professor Laxmidhar Behera, Head, Department of Education, Regional Institute of Education, NCERT, Odisha, Prof. C. Nongbri, Department of Education, NEHU Shillong, Dr. (Mrs) Balaiada R. Dkhar, Professor Education and Dean (R), Department of Extension Education, NERIE NCERT, Shillong, Dr. (Mrs.) Bahunlang Tron, Assistant professor, CTE (PGT), Shillong, Prof. Sandhya Sahoo, Professor of English, Head, DESSH, & Dean (I), Regional Institute of Education, NCERT Bhubaneswar, Prof. Nityananda Pradhan Professor of Education, Department of Education, NERIE NCERT, Shillong, Dr Prachi Ghildyal, Assistant Professor of Psychology, Department of Education, NERIE, NCERT, Shillong bad i Dr. W. Nikhla Associate Professor DIET, Nongstoiñ.
Ki nongpynïaid ïa ka sien shong banyngkong ki kynthup ïa I Prof. M.S.Warjri, IQAC Coordinator, Sankardev College Shillong, Dr. Euodia B. Myrthong, Assistant Professor Department of Education, NEHU, Shillong bad I Dr (Mrs.) Mary Anne Jyrwa, Associate Professor bad I Principal in-charge, CTE (PGT) Shillong.
