Khliehriat, Jylliew 15:
U Chairman ka District Management Authority uba dei ruh u Deputy Commissioner jong ka East Jaiñtia Hills District u la pynmih ïa ka hukum ban khang khyrdep lut ïa baroh ki skul hapoh ka district ha ki ar sngi lynter kata ha ka 16 tarik bad 17 tarik u Jylliew.
Ïa kane ka hukum la pynmih hapoh ka aiñ Disaster Management Act, 2005 ban ïada ïa ki khynnah na kino kino ki jingma na ka daw ka jingjur u slap, ka jingtied pyrthat bad ka ’lei lieh hapoh ka district.
Nangta, u la pyntip ruh ba ka India Meteorological Department, Meteorological Centre Shillong ka la pynbna ban kan jur slap bha ha East Jaiñtia Hills ha ka 16 bad 17 tarik Jylliew.
