Shillong, Jylliew:
U Torahs Ch Marak u la ujor ba ha ka 12 tarik Jylliew ha ka por kumba 7:30 janmiet, ki runar ki la knieh ïa ka Mobile Phone jong u ha Dorambokgre, South West Garo Hills.
U Deepak Purohit u la ujor ba ha ka miet jong ka 1 bad 2 tarik Jylliew, ki runar ki la tuh 76 tylli ki ‘Steel Shuttering Board’ na kawei ka jaka ba dang shna ha ka shnong Porsohsan ha West Khasi Hills.
Ha ka 12 tarik Jylliew, u Bah Frankie Laloo u la ujor sha ki pulit ba ha ka por 9 baje mynstep jong ka 11 tarik Jylliew, ki runar ki la tuh ïa ka Mobile Phone na ka kali jong u (ML-05M-7960) na Sumer NH-6 kaba don ha Ri-Bhoi.
U Bah Tolis Sna u la ujor ba ha ka 7 tarik Jylliew, ki runar ki la tuh ïa ki ‘power cable’ jong ka BSNL bad Airtel kiba shongdor T. 1,33,798 na ka shnong Mupliang, West Jaiñtia Hills.
U Bah Ricky Nelson Suja u la ujor ba ha ka por 11 baje mynmiet jong ka 11 tarik Jylliew, ki runar ki la tuh ïa ka thuk-thuk (ML-05W-6501) na ka ïing sah jong u ha Mawlai Umjarain, Shillong.
U Bah Kwesland Paliar na ka shnong Mawdonlang, West Khasi Hills, u la ujor ba ha ka 5 tarik Jylliew, ki runar ki la leit tuh na ka dukan jong u ha kaba ki la shim ïa ki jaiñ juti bad kiwei ki mar kiba shongdor T. 3,50,000 bad ki la shim ruh ïa ka pisa kaba don T. 34,000.
