Shillong, Jylliew 16:
Ka Indian Meteorological Department (IMD) ha ka Sngi Thohdieng ka la ai jingmaham ba u ‘lap bah u lah ban ther ha ka Sngi Saitjaiñ bad Sngi U Blei ha kiba bun ki distrik kum ka East Khasi Hills, West Khasi Hills, South West Khasi Hills, East Jaiñtia Hills, West Jaiñtia Hills, East Garo Hills bad South Garo Hills.
Nalor kitei ki jaka, ka IMD ka la ong ruh ba kiwei pat ki distrik kin ïoh slap wat la kan ym long than kaba jur kumba long ha kitei ki distrik ba la kdew.
Na ka bynta ka 19 bad 20 tarik Jylliew, ka IMD ka la ong ba kan don ka jinghap slap ha kylleng ka jylla. Kumta ka IMD ka la kyntu ïa ki nongshong shnong ba kin long kiba phikir ha kine ki sngi ba jur ka jinghap slap.
