Ha ki nongpule & nongkyrshan U Nongsaiñ Hima,
Da ka mynsiem kaba khia, ka shlem U Nongsaiñ Hima ka la rai ban pynhiar noh ïa ka jingdon jong ki sla ha kotkhubor na ka 10 sha ka 8 Sla naduh ka 21 tarik Jylliew, 2023 (Sngi Balang – Sngi Ïew Mawlong).
Ka daw jong kane ka rai ka long namar ka jingkiew dor palat jong ki mar ki mata kiba pyndonkam ha ka jingshon bad jingpynmih ïa ka kotkhubor. Ngi kwah ruh ban pyntip ba ka dor jong ka kotkhubor ka neh beit kumba ka long mynta, kata, T. 5/-.
Ngi kyrmen ba ma phi ki nongpule bad ki nongkyrshan ka kotkhubor phin ym sngew eiei halor kane ka rai kaba ngim banse ban shim, bad ba phin nang ïai kyrshan lem ïa U Nongsaiñ Hima khnang ba ngin lah ban shakri ïa phi ha ki sngi bad ki snem ki ban nang wan.
Khublei Shibun,
Kiba burom ïa phi,
Ka Management & Editorial Board,
U Nongsaiñ Hima
