Shillong, Jylliew:
Ka Eicher Trucks & Buses, kaba long ka shnat kaba peit ïa ki kam khaïi pateng jong ka VE Commercial Vehicles, ka la lah ban leh shibun kiei kiei ki kam ba khraw ha ka liang ka jingpynïaid ïa ki kam kiba ïadei bad ka jingpynkit ïa ki jingkit da ki truck da kaba ka la pynbha shuh shuh ïa ki lad ai jingshakri bad wan ruh ha ki kyrdan ba ha khmat ha ka jinglah ban pynpoi ïa ki mar ki mata bad pynpoi ïa ki briew ha ka por kaba biang na ka bynta kito kiba pyndonkam ïa kine ki jingshakri jong ka – kaba long ka bynta kaba donkam ban pyntikna ba ki briew ki lah ban khnang ban pyntikna ba ki briew kin lah ban pyndonkam pura ïa kine ki kali ha kine ki sngi ba mynta, ha ka liang ka jingdonkam ha ka khaïi pateng jong kane ka spah snem ba 21. Ka Eicher Trucks & Buses ka dei ka kali karkhana shna kali kamai ba nyngkong ha India khnang ban ïohi ïa ka jingkiew ïa ka jingpynpoi ïa ki tiar ki tar ha ka por kaba biang bad pynbiang ïa ka jingdonkam jong ki briew ha ka rukom kaba biang, haduh ban da lah ban buh ïa ka ‘Uptime Centre’ ha 2020. Kane ka sienjam treikam kaba pynïasoh bad baroh ki BS-VI truck bad bus jong ka Eicher sha kane ka Uptime Centre ha Pithampur, Madhya Pradesh.
Ka mat pdeng ka ban ïa sah bad ki nongpyndonkam “Har Qadam, Har Waqt”, Ka Eicher ka la bei tyngka na ka bynta ban weng ne pynduna ïa ki jingeh ba ïakynduh baroh shi katta bad ka la lam lynti ha ka ban wanrah ïa ki lad ki lynti kumno ban weng ïa ki jingeh lyngba ka jingbuh ïa ki jingshakri ba ki nongpyndonkam kin tip ïa ki jingeh ïa kaba la leh lyngba ki jaka ai jingshakri kiba don sha kiwei pat ki bynta ïa kaba la tip kum ki ‘remote’ bad ‘predictive diagnostic’ kaba ki briew ki lah ban ïoh ïa kine ki jingshakri na ki Uptime Centre baroh 24 kynta ha ki 7 sngi ne 24X7 Uptime Center. Lyngba kine ki lad ai jingshakri kiba kum kane ka juk ba mynta, kiba la pynïasoh, bad kaba ki briew ki lah ban shaniah bad da ka jingdon jong ki jingshakri jong ka Uptime ka kompany mynta ka la lah ban ai jingshakri kaba palat ïa ka 98% Uptime ha ka baroh ki bynta kiba ïadei bad ka jingpynkit ia ki mar ki mata bad ki briew ha kylleng ki bynta jong ka India.
Ka jingdawa ban wanrah ïa kine ki jingshakri na ka bynta ban pynbiang ïa ka jingtreikam jong ki kali kamai hadien ka jingpynbha ïa ki lynti bad surok syngkien, ka jingkylla ha ka jinglum khajna kum ka GST, ka jingpynmih ïa ki engine BS VI, bad ka jingphai khmat ka sorkar sha ki kam kiba ïadei bad kane ka juk mynta lyngba ka National Logistics Program. Kine kiei kiei baroh ki la mih na ka daw jong ka jingjur ka jingdawa ban don ïa ki kali kamai kiba biang ha ki lad ai jingshakri bad kiba biang ha ka jingpynbha khnang ba ki lah ban treikam bha ha ki liang bapher bapher ba kynthup ïa ka jingpynkit ia ki tiar sha ki lynti ba jngai, ha ki jingtei, bad ha ka jingtih ïa ki mar poh khyndew bad pynlong ïa ka Uptime kum ka nombor ba nyngkong na ka bynta kito kiba pyndonkam ïa ka.
Ka Uptime Centre ka wanrah ka jingtyrwa bad ki jingmyntoi ban wanrah ka jingtreikam bad ka jingai jingshakri kaba bha tam. Ki riew shemphang ha kane ka jaka treikam kaba long kat kum ka juk mynta kaba treikam beit baroh 24 kynta ha ki 7 sngi ne 24X7 state-of-the-art ka don ïa ki kamra ba kyrpang kiba biang ki kor ki bor bad kaba lah ban peit bad tip shaphang ki kali khnang ba yn lah ban ai jingshakri bad jingkyrshan ïa ki kai ha ki jaka shna kali jong ka Eicher’s Uptime Certified workshops ha kylleng ka ri. Ki riew shemphang ha ka Uptime ki lah ruh ban lum jingtip shaphang ka jingtreikam jong ki truck khnang ba yn lah ban ïarap ïa ki ban tip lypa ïa ki jingthut ha ka shwa ba kine ki jingthut kin jia la ka long ha kano kano ka por ne ha kano kano ka jaka. Ka long shisha ka bynta ba donkam tam namar ba ka Eicher ka la nang pynïar shuh shuh ïa ka jingdie kali jong ka bad ïa ka jingbuh ïa ki jaka shna, kynthup ïa palat 800 tylli ki ‘touchpoint’ ne ki jaka ba ki nongthied ki lah ban leit. Kine ki touchpoint ki kynthup ïa ka jingdie bad ka jingai jingshakri, kaba ai ruh ïa ki jingkyrshan ha kaba ki nongthied ki lah ban leit sha ki na ka bynta ki jingdonkam ha ki kali, ka jingdie ïa ki tiar ki tar, bad kiba don ruh ïa ki briew kiba la pyntbit ban peit ne shna ïa ki kali ha kylleng ki jaka jong ki surok bah ha ka ri. Ka jinglah jong ki Uptime Centre’s ban pynïasoh bad ki kali, ki nongdie kali, bad ki jaka shna ka ïarap ban wanrah ïa ka jingïatreilang bad jingïakren mar kylliang, kaba ïarap ban lah ban shna ïa ki kali ha ka por ba biang, ka jingïoh ïa ki tiar kali kiba donkam, bad jingkyrshan ha ki lad ai jingshakri.
Ka jingbuh ïa ka Uptime Centre ka la wanrah shisha ïa ka jingkylla ha ki lad ai jingshakri. Ka la pynbha shisha ïa ki jingshakri sha ki nongpyndonkam da kaba la lah ban ai ïa ki jingiarap kiba kloi lada don kino kino ki jingeh, ban pynduna ïa ka jingsniew ha ki kali, bad ban pynbha ia ka jingtreikam jong kine ki kali. Lyngba kane ka sienjam treikam, ka Eicher ka ïai bteng ban wanrah ïa ki jingtreikam ba bha ha kaba ïadei bad ki kali kamai, bad pynlong ïa kane ka kompany ban don ha ka bynta ba ha khmat bad kumjuh ruh ïa ka jingtreikam jong ki kali kamai ha India ba kin long katkum ka juk ba mynta.
Katba nang mih ki sngi, ka khaïi pateng ha ka liang ki kali kamai ka la nang kylla sha ki rukom treikam kiba la nang kham stad, kiba kham bha shuh shuh bad kumta ter ter. Khnang ban nang lah shuh shuh ban ai ïa ki jingshakri ba bah sha ki nongthied, ka Eicher lyngba ka jingïarap jong ki riewshemphang ha ka Uptime Center ka la sdang ban ai ïa ki jingshakri kiba ïadei bad kumno ban lah ban tip shaphang ki jingthut ha ka kali ne Predictive Diagnostics Services. Kane ka jingshakri ka ïarap ïa ka kompany ban ai ia ka jingshakri ba bha jong ki kali da kaba pynduna ïa ka jinghap ban leit sangeh ha ki jaka shna, bad kumjuh ruh ban ïoh ïa ka jingshna kaba sted ban pynbha ia ki kali ha ki jaka shna ne ki karkhana.
Nalor ka jingwanrah ïa ki jingshakri ba bha sha ki nongthied, ka Eicher ka phai khmat ruh ban ai sha ki nongthied ba kin lah ban ïoh ïa ki jingshakri kiba shai lyngba ka My Eicher app. Ka My Eicher ka dei ka rynsan ‘digital’ ba nyngkong kaba pynïasoh ïa ki Eicher Truck bad ki Bus bad ki trai jong kine ki kali Eicher, ki nongpynïaid ïa kine ki kali, ki nongñiah, ki nongdie bad ki lad ai jingshakri. Kane ka rynsan ba thymmai ka ïarap na ka bynta ban leh ïa ka khaïi pateng ha ka rukom ba kyrpang kum ka Fleet Management, Uptime Management, Fuel Management, bad kiwei kiwei ki lad ai jingshakri ne Value-Added Services
Ka Eicher ka ithuh bad buh ïa ki nongdie kali ha ka bynta ba ha khmat eh bad ka la wanrah ïa shibun ki sienjam treikam ban pyntikna ba ki jingtreikam kin long kiba shai, kiba ai jingmyntoi bad don ka jingïadei bad jingïatehlok kaba ïai neh. Bad na kane ka daw, ka kompany ka la lah ban don ha ka kyrdan ba ha khlieh eh ha ka liang jong ki kali kamai mynta la ai snem katkum ka FADA Dealer Satisfaction Survey.
Ka jingtreikam jong ka Eicher ka ïai bteng ban kiew na ka por sha ka por, da kaba ka la lah ban buh 9-10 tylli ki touchpoint ba thymmai man la u bnai. Dang shen, ka kompany ka don palat 800 tylli ki touchpoint ha kylleng ka ri, kynthup ruh ïa ka jingdie bad jingshakri, ka jingdon jong ki lad ai jingïarap ha ki jaka ba ka kali ka don, bad jingdon jong ki nongdie bad ki nongshna ha kylleng. Ka Eicher ka la long kaba la pynkhreh ban pyndap ïa ki jingdawa, da kaba buh ïa shibun ki karkhana kiba trei shibun kynta, kynthup ruh ha ka sngi U Blei, bad don lei katto katne ki jaka kiba ai ïa ki jingshakri ha baroh 24 kynta 7 sngi lynter ne 24×7. Ka kompany ka wanrah ruh ïa ki jingtyrwa ban ai jingshakri ïa ki kali ha ka jaka ba ki don bad ha ki jaka dih mar poh khyndew, bad pyntikna ïa ka jingai jingshakri kaba kloi ha palat 150 tylli ki jaka ha kylleng ka ri.
Ka VECV ka wanrah ïa ka jingtyrwa kaba ïar ha ki mar ki mata jong ka, naduh ka 4.9-55T GVW truck bad ki bus bad don 12-72-seat. Ïa kine ki mar la pynmih lyngba ki buit stad treikam ban shna ïa ki engine BSVI ka Eicher – EUTECH6 bad kine ki engine ki long kiba bha haduh katta katta bad kiba bam duna bha ka umphniang. Ka Eicher ka dei ka kompany kaba nyngkong ban wanrah ïa ka jingtreikam ba 100% na ka bynta ki kali da kaba buh ïa ki telematic kiba lah ban ïarap ïa ki kali ban bam duna ka umphniang, ban ai jingshakri ha ka por kaba biang lyngba ka Eicher Uptime Centre support, bad ai ruh ki jingmyntoi kiba bha ha ka e-commerce bad wanrah ka jingshngaiñ ïa ki nongshong bus ruh kumjuh. Ka kompany ka don bun jait ki HD truck ha ka karkhana bad ha ka dor bapher bapher ban pynbiang ïa ka jingdonkam ha ki bynta bapher bapher.
