Jowai, Jylliew:
Ka shlem treikam u Superintendent of Police, West Jaiñtia Hills ka la pynlong ïa ar tylli ki lad pynsaphriang ban pynsngewthuh ïa ki paidbah ban ïakhun pyrshah ïa ka jingkyrni drok bad khaïi beain ïa u.
Kawei ka lad pynsaphriang ka dei da kaba sam ïa ki kot lyngkdop sha ki nongñiah kali kumjuh sha ki khynnah skul bad ki ‘riew paidbah kiba ïaid ba ïeng ha ki jaka bapher bapher ka sor Jowai ba la ïalam da u In-charge Traffic Cell u Bah D Lamare bad ka Kong Ibashisha Kharpran OC Women PS.
Katba ka kynhun jong u Officer Incharge Jowai Police Station, u Bah S Mannar ryngkat ka jingïatreilang ka Mihmyntdu Community Social Welfare Association, (MCSWA) kaba pynïaid ïa ka project Meghalaya Aids Control Society kaba la tip kum ka Targeted intervention ne ban ïit bniah ïa ki briew kiba don haka jingma, kila pynlong ka jingïalang pynsngewthuh paidbah ha Stand Ummlong, Ïawmusiang Jowai.
La ïoh ka jingbatai shai na u dkhot ka MCSWA u H Syngkon uba la batai halor ka jingshem jong u bad kumno u lah ban lait na ka jingkynjri jong u drug.
Ka Kong D Challam kala batai ïaka rukom treikam jong ka MCSWA bad ruh ïa u dawai ban lait na ka jingkyrni ban dih ïa u drug.
Katba ka OC Women PS, ka Kong Ibashisha Kharpran ka khot bad wer ïa ki nongshong shnong ka sor Jowai ban shim bynta ha ka jingïakob shna ‘video’ halor ka phang “Drug Abuse and Illicit Trafficking.”
