Shillong, Jylliew 23:
Ha ka sngi ba ka shongknor jong ka Meghalaya State Commission for Women (MSCW) ka Kong Phidalia Toi ka la pynpaw ba kan don ka jingïakhun halor ka jingweng ïa ka na kane ka kyrdan, ka la pynbna ha kane ka juh ka sngi ba ka la iehnoh kam.
Ha ka jingshisha, ka Kong Toi ka la ong ba ka jingphah jingthoh ban pan jingshai na ka, la phah hadien ar sien ba la mih khubor lyngba ka jingkren u Myntri ka tnat Social Welfare u Bah Paul Lyngdoh halor ka jingong ba la weng ïa ka kum ka shongknor ka MSCW.
Ka Kong Toi hashwa ba kan iehnoh kam, ka la ong ba kan jubab halor ka jingpan jingshai na ka, bad kan don ka jingïakhun hangne.
Hynrei tang hadien katto katne por ka la pynbna ba ka iehnoh kam kum ka shongknor ka MSCW. Ka la leh ïa kane na ka bynta ka jingbha jong ki kynthei bad longkmie ha ka Jylla.
