Guwahati, Jylliew 23:
Ka Assam down town University (AdtU) ka la ïoh pdiang ïa ka khusnam ‘Education Eminence Award’ 2023, halor ki jingsynñiang sha ka imlang-sahlang ha ka liang ka pule-puthi.
Ka AdtU ka la ïoh pdiang ïa katei ka khusnam na ka ‘News18’ ha ka thup kyrdan “Most Eminent Campus Placement Among Pvt Universities”. Ïa kane ka khusnam la pdiang da u Prof. Pranvir Singh, Pro VC, AdtU ha ka jingïalang kaba la long ha NEDFI Auditorium, Dispur, Guwahati.
Ha kajuh ka por, ka jingminot ka AdtU ha ka ban pynwandur ïa ka sap ka phong bad ka jinglah jong ka ban buh bynta ïa ki samla ba la dep pule ha ka liang ka kam ka jam ka la pynlong ïa ka skulbah ban ïoh pdiang ïa katei ka khusnam.
Ka ‘Education Eminence Award’ 2023, ka dei ka sienjam ban ithuh ïa ki shlem ai jinghikai kiba wanrah ïa ka jingsynñiang jong ki sha ka imlang-sahlang.
Ka jinglah ka AdtU ha ka liang ban buh bynta ïa ki samla ba la dep pule ha ka kam ka jam ha ki snem ba la leit ka la pynlong ïa ka skulbah ban ïoh pdiang ïa katei ka khusnam.
Na ka liang ka kynhun AdtU ka kwah ban pynpaw ka jingsngewnguh sha ka ‘News18’ kaba la ithuh ïa ka skulbah lyngba kane ka khusnam.
