Nongstoiñ, Jylliew 23:
Ki pulit ka West Khasi Hills ki la pyntip ba uwei u briew ba la tip kyrteng kum u Starsis Langrin, 34 snem ka rta, na ka shnong Shallang Sohbar u la phet noh na ka jaka sumar na Nongstoiñ Civil Hospital hadien ba u la wan ban phah sumar.
La ïathuh ba katei ka jingjia ka la jia myn ha ka 21 tarik Jylliew, 2023 ha ka por kumba 9:30 mynmiet.
La ong ruh ba utei u briew u la phet na katei ka Hospital khlem kano kano ka daw bad haduh mynta ym pat lap ïa u.
Ka khubor na ki pulit ka ïathuh ba ïa utei u briew la wanrah da ki bahaïing hasem jong u ha ka 19 tarik Jylliew. Kumta ki pulit ki la kyntu ïa kino kino kiba ïohi ïa utei u briew ba kin pyntip sha thanat Nongstoiñ.
