Khliehriat, Jylliew 25:
Ki pulit ka East Jaintia Hills District ki la kem ïa 3 ngut ki suba nongkhaïi drok ryngkat u ‘heroin’ uba khia 59.86 gm ba shongdor T.30 lak.
Kine kiba la shah kem ki long u Altab Hussain, u Anwar Hussain bad u Pranjal Das.
Katkum ka khubor na ki pulit, la ïathuh ba ha ka Sngi Saitjaiñ ha ka por 7 baje mynmiet, ki la ïoh jingtip ba don 3 ngut ki briew kiba leit jingleit da ka ‘Bolero’ kaba don ïa u nombor AS-19E-0671 ba kit ïa u drok.
Mar-mar ki pulit ka ANTF bad pulit ka Ladrymbai OP ki la pynlong ka jingpynap shrip ïa ki ha Umtyra Infiltration Check Gate.
Ki pulit haba ki khynra ïa ka kali ‘Bolero’ ki la lap ïa 6 tylli ki synduk sabon ba don ïa u drok ‘heroin’ uba khia 59.86 gm bad la kurup ruh ïa ka T.2000 na ki.
Haba ïadei bad katei ka jingjia ka la don ruh ka jingujor ha Khliehriat Police Station.
