Shillong, Jylliew 27:
U Director ka tnat Employment & Craftsmen Training, Shillong u la pyntip sha baroh ki samla wad kam ba kim dei ban jubab ïa kino-kino ki ‘email’ kiba tyrwa kam khlem da pynthikna shwa la kita kiba tyrwa ki dei kiba don shisha ne kiba shu pynbiej bad pynngop briew.
Kane ka jingmaham ka la mih hadien ba uwei u samla wad kam u la shah tyrwa kam ha ki briew kiba la pyndonkam da ka kyrteng jong ka National Career Service (NCS). Uta u samla u la ïoh ïa kawei ka ‘email’ bad la kyntu ïa u ba un pdiang ïa ka shithi ai kam/shithi ba pynthikna ba la ïoh kam.
Hynrei uta u samla u la shem ba wat hadien ba u la dep ban siew T. 1,000, um shym la ïoh eiei satia kumba la kular ha kata ka ‘email’.
