Shillong, Jylliew 27:
Kawei ka kali Bolero kaba don ïa u nombor ML-05 K 4988 ka la jah rngai na ka jaka ba la pynïeng hajan ka skul Pearly Dew ha Jaïaw Laitdom.
Katkum ka jingujor ba la ai sha thanat Lumdiengjri da u Bah S Rymmai, la ong ba ïa katei ka kali la pynïeng hakhmat ïing jong u hi ha ka por 6 baje mynstep jong ka Sngi Ba-Ar. Kata ka ïing ka dei kaba don hajan ka skul Pearly Dew ha Jaïaw Laitdom.
Hynrei u Bah Rymmai u la ïathuh ba ha ka por kumba 3:15 nohphai sngi, u la shem ba katei ka kali ka khlem don shuh ha ka jaka ba u la pynïeng, bad u la suba jur ba la don kiba tuh ïa ka.
