Mumbai:
Ka khubor na Bollywood ka iathuh ba u Salman Khan ha kane ka kynti ba mynta ula shah byrngem biang ha kaba kane ka dei ha u Goldy Brar ha kaba une u runar u dei ruh uba dang shu dep byrngem pyniap ia uwei na ki nongrwai ba paw ka Bollywood u Yo Yo Honey Singh.
Hadien jong kane ka jingshah byrngem u Salman la ioh khubor ba la nang kham pynbun shuh shuh ki lad pahara ia une u tyngshop bad u Goldy Brar u dei ruh uba la donkti ban shim ia ka jingim jong uwei na ki nongrwai Punjabi u Sidhu Moosewala.
U Goldy Brar kumba la mih khubor ula byrng em tyngeh ia u Salman ha kane ka kynti ba mynta bad ong ba un leh ia u kumba leh ia u Sidhu bad ha kajuh ka por un ym map shuh da lei lei ruh ia une u tyngshop.
Shuh shuh u Goldy ula ong ba u Salman u dei u nongshun ba la slem bha jong u bad un ym ailad ia ki nongshun jong u ba kin im ha kane ka sla pyrthei.
Ha kine ki bnai ba la leit u Lawrence Bishnoi uba la byrngem pyniap ia u Salman ula ong ba u lah ban map ia une u tyngshop lada u panmap hynrei lada um leh pat ia kane ym banse ban hap ai jing sneng ia u.
Ka jingshah byrngem ha u Goldy Brar ka la pynlong ia ki nongap pahara jong u Salman ban long husiar bha bad nalor kane la mana bad mahap ia une u tyngshop ba un ym leit shim bynta shuh shano shano.
Naduh ba u Salman ula shah byrngem pyniap ha u Lawrence Bishnoi ula thied ia ka B6 bad B7 kiba long ki kali Bullet Proof ki ban ai jingiada ia u.
Ka jingshah byrngem kaba na ka por sha ka por jong u Salman ka la pynlong ia ki bahaiing hasem jong une u tyngshop ban khuslai bha na ka bynta jong u bad wat ki pulit ka Mumbai ruh ki la wad ki lad ki lynti kumno ban ioh kem ia kito kiba donkti.
Ki khubor ki iathuh ba u Goldy Brar u dei ruh uwei na ki runar uba la donkti bad u Lawrence Bishnoi ban leh ia shibun ki kam sniew bad la ioh jingtip ruh ba une u runar mynta ula riehtngen sha Canada.
Wat hadien jong ki jingshah byrngem kiba na ka por sha ka por i kumba u Salman um shim don satia ia ka jingsngew shep tieng.
