Los Angeles:
Katkum ka khubor ba la ioh na Hollywood la iathuh ba ka Kim Kardashian ka la pynpaw ia ka jingbym sngewtynnad ia ka kurim u Kanye West ka Bianca Censori tang namar ba ka khun kynthei jong ka, ka North ka sngewtynnad bad sngewjan bha ia ka Bianca bad ai jingiaroh bha ia ka.
Ka Kim kam ju poi pyrkhat ne khmih lynti ba ka North kan sngewtynnad bad sngew jan ia ka Bianca bad sngew khuslai bha halor kane da kaba ong ba lehse ha kawei ka por ka North ka lah ban klet noh ia ka kmie.
Ha ka jingshisha ka Kim kam ju sngew bishni ia kino kino ki samla u Kanye hynrei tang ha kane ka kynti ba mynta bad sngew ba ka jingnang ka Bianca ban pynjuh ne ban pynsngewtynnad ia ka North ka dei kawei na ki daw ba ka North kan sa kylla jan ia ka.
Bunsien u Kanye u ju ialam ia baroh ki khun jong u ban leitkai sngewbha bad ka Bianca bad ka Bianca kam ju ailad ba ki khun u Kanye kin leh kiar na ka bad ialeh ban pynsngewtynnad beit katba lah ia ki.
