Shillong, Jylliew 27:
U MLA barim ka Mawlai, Bah Process T Sawkmie, u la pynpaw ïa ka jingsngewkhia halor ka jingthmu ban pynsangeh treikam noh ïa ki 200 ngut ki nurse kiba trei ha NEIGRIHMS Hospital.
Na ka liang u Bah Process, u la ong ba lada kine ki 200 ngut kin duh kam, ka mut da ki hajar ki longïing longsem kin shah ktah, khamtam kito kiba wan na ki longïing kiba duk bad kiba don ruh ïa ki khun ki kti.
Kumta na ka liang une u MLA barim ka Mawlai u la kyntu ïa ki agency ban pynsngew ïa kane ka kam sha u Director ka NEIGRIHMS ban pynneh biang ïa kine ki nurse.
Shuh shuh, u la ong ba kine 200 ngut ki nurse kiba la don ïa ka jingshemphang ne ba la ih ha ka kam, lada pynsangeh ïa ki, kan sa don ka jingktah kaba khraw ïa ka jingsumar. Namar kata, u kyrpad ïa u Director ka NEIGRIHMS ban pyrkhat biang shuwa ban weng ïa kine ki nurse.
