Shillong, Jylliew 28:
U Inspector-General of Police (R/PR) uba long ruh u Chairman ka Central Recruitment Board (CRB) ha ka Sngi Balang u la pynbna ïa ka risol jong ki kam Unarmed Branch Sub-Inspector (UBSI), Unarmed Branch Constable (UBC), Fireman (FM), Driver Fireman (DFM), MPRO Operator, Armed Branch Constable (ABC)/Battalion Constable (BNC), Driver Constable (DC) bad Follower.
Ha ka jingpynbna, la ïohi ba na ka bynta ka kam ‘Driver Fireman’, kiba ïoh kam ki long saw ngut ki Unreserved, phra ki Khasi Jaiñtia, khyndai ki Garo, ar ki OST/OSC. Ha ka jingshisha, ki kam ba la bhah ki long 4 na ka bynta ki Unreserved, 8 Khasi Jaiñtia, 11 ki Garo bad 2 ki OT.
Hynrei la pyntip ba na ka daw jong ka jingbym don ki samla na ka jaitbynriew Garo kiba biang ban pyndap lut ïa ki kam ‘Driver Fireman’ katkum ka bhah, kata, 11 ngut, la hap ban pyndap tang khyndai ngut. Ki artylli ki jaka ba dang lait na ka bynta ki Garo yn sa pynbna pat ha ka jingpynrung kam bathymmai (Subsequent Recruitment Process). Ka tnat pulit ka la ong ba kane ka long katkum ka byrta na ka tnat Personnel kaba dei ka Office Memorandum jong ka Reservation Roster ba la pynmih ha ka 14 tarik Jylliew, 2023.
Na ka bynta ka kam UBSI, ki la don 41 ngut kiba la shah jied, 268 ngut ki UB Constable, 37 ngut ki Fireman, 23 ngut ki Driver Fireman, 26 ngut ki MPRO Operator, 522 ngut ki Armed Branch/Battalion Constable, 19 ngut ki Driver Constable, bad 74 ngut ki Follower.
