Shillong, Jylliew 28:
Namar ka jingshah kynnoh ba u la donkti ban leh be-ijot ïa kawei ka khynnah rit, uwei u tymmen briew ba la 70 snem ka rta u la shah kem noh ha ki pulit jong ka Ri-Bhoi District.
Ïa une u briew la pynngat mynta hapoh ki kyndon jong ka Protection of Children from Sexual Offences (POCSO) Act. Kane ka la jia ha ka Sngi Ba-ar ha kawei ka shnong kaba don ha Ri-Bhoi.
Kane ka khynnah ka la ud suh kpoh naduh ka miet sngi nyngkong bad kumta ki bahaïing hasem ki la kit mar-mar sha ka jaka ai jingsumar ban phah sumar ha ki doktor. Phewse, ki la ïoh pynban ïa ka jubab ba kane ka khynnah ka la ngat ha ka kam shah leh be-ijot, la ong ki pulit.
Kane ka khynnah ka la phla ruh ha ki kmie ki kpa ba une u briew uba leh ïa kane ka kam u dei u bahaïing hasem hi. Kumta na ka liang ki kmie ki kpa ki la leit ujor da ka ejahar pyrshah ïa une u briew bad ki pulit ki la leit ban kem noh mardor ïa u. Ka jingtohkit ïa une u briew ka la ïaid shakhmat.
