![Ba ïatreilang bad ka NPP ha KHADC, mih noh u Secretary ka MPCC golden](https://unongsainhima.com/wp-content/uploads/2023/06/golden-720x430.webp)
Nongstoiñ, Jylliew 29:
Namar ka jingbym sngewtynnad ïa ka rai jong ka Congress kaba la ailad ïa ki MDC ban ïatreilang bad ka NPP ha Khasi Hills Autonomous District Council (KHADC), u Bah Golden Nonglong uba dei u Vice President ka All India Professional Congress Meghalaya, bad u Secretary ka Meghalaya Pradesh Congress Committee (MPCC) u la mih noh na ka seng Congress.
Lah ban pynkynmaw ba u Bah Golden u dei ruh uwei na ki kyrtong ka Congress uba la ïakhun ïa ka ilekshon MLA na ka Rambrai Jyrngam konstitwensi.
Ïa kane ka jingmih noh na ka Congress la pynpaw ruh da u Bah Golden haba kren ha ki nongthoh khubor ha ka 28 tarik mynta u bnai, ha kaba u la ong ba ka daw ka long ba um sngewtynnad ïa ka rai jong ka seng kaba la ailad ïa ki MDC ban ïatreilang bad ka NPP ha KHADC.
Shuh shuh u Bah Golden u la ong ruh halor katei ka bynta u la dep ban phah ruh da ka jingthoh ban iehnoh kam sha u Bah Vincent H Pala uba dei u President ka Meghalaya Pradesh Congress Committee.