Jowai, Jylliew 29:
Ka Meghalaya ASHA Workers Union, West Jaiñtia District ki la aiti da ka jingthoh sha shlem treikam u District Medical & Health officer ka WJHD ban dawa pyllait noh ïa ka bainong kaba dangsah shwa ka jinglehkmen ïa ki lehniam ba kyrpang ha ka jylla.
Kat kum ka jingthoh ki nongtrei ASHA, ki la pynpaw ka jingsngewnguh ïa ki nongtrei National Health Mission bad ïa ka Sorkar Jylla kiba la pynbit pynbiang ïa ki jingdonkam jong ki nongtrei ASHA.
Kine ki nongtrei ASHA ki la dawa na ka sorkar ban siew ïa ka bainong kaba ki la dep trei mynta palat 5 bnai bad ka ASHA Benefit skhim kaba la sahkut la shisnem mynta. Hynrei, wat la kim pat ïoh bainong ki la ong ba ki pyndep ïa ka kamram ban ai jingshakri ïa ki paidbah ha ka liang ka koit ka khiah.
