Jowai, Jylliew:
Katto-katne ngut ki nongtrei bylla ha Ri-lum Jaiñtia ki la thaw ïa kawei ka seng thymmai kaba la tip kum ka All Jaiñtia Labour Union (Organise and Unorganised Labour) da ka jingthmu ban peit ïa ka khia ka shon jong ki briew kiba im jakpoh ban pyndap pynbiang ïa baroh ki jingdonkam ka ïing ka sem tang da kaba bylla sngi.
Ïa kane ka seng thymmai la dep ban pynrung hapoh ka Meghalaya Societies Registration Act, 1983 ha ka shlem treikam u Joint Registrar of Society ha Jowai, West Jaiñtia Hills District.
Ki nongkitkam ki kynthup ïa u President – Kyrmen Siangshai, Vice President – Chandame Sungoh, General Secretary – Shaphrang Pajuh, Joint Secretary – Lewaphi Sutnga, Finance Secretary – Miju Sutnga bad Kwel Lakiang, Adviser – Pramod Jain.
