Shillong, Jylliew 30:
Ki pulit ka East Jaiñtia Hills ha ka Sngi Thohdieng ki la ïoh kurup 51 kilo u Kynja na ki saw ngut ki briew kiba dei ki nongshong shong ka Tripura.
U SP ka East Jaiñtia Hills, u Jagpal Singh Dhanoa, u la ïathuh ba hadien ka jingïoh khubor ba ka don ka kali Santro kaba thmu ban ïaid sha Khliehriat, la pynlong ïa ka jingpynap pahara ha Umtyra bad la bat ïa ka kali Santro kaba don ïa u nombor TR04 A 0254 bad ki la don ruh saw ngut ki briew kiba shong hapoh ka kali.
Kine ki kynthup ïa u Amit Mog, 29 snem, Rajesh Kumar King, 33 snem, Baby Mog, 38 snem bad u Sanjit Debarma, 42 snem bad kine baroh ki dei na Tripura. Na ka kali, ki pulit ki la ïoh kurup 51.03 kilo u Kynja, san tylli ki Mobile Phone, pisa T. 13,540.
