Shillong, Jylliew 30:
Ki pulit ka East Jaiñtia Hills ha ka Sngi Thohdieng ki la pyntip ba ha ka 29 tarik Jylliew ha ka por kumba 4:40 janmiet, ka thanat Ladrymbai ka la ïoh khubor na u Rangbah Shnong ka Ladrymbai Datsympeiñ ba ki ’riew paidbah ki la lap ïa kawei ka metïap kaba don ha kawei ka dukan kaba la shu ieh.
Ki pulit ki la ïathuh ba kata ka dukan ka don mar pyrshah ka Petrol Pump Ladrymbai, Datsympeiñ. Na ka liang ki pulit ka Ladrymbai ki la leit sha kane ka jaka ban shimti ïa ka met bad la pynkynriah noh ïa ka sha Khliehriat Civil Hospital.
Shuh shuh ki pulit ki la ong ba haduh mynta, ym pat tip satia ïa ka kyrteng ne jaka sah jong uta u briew uba la khlad bad la antad ba u don hapdeng 45 bad 50 snem ka rta. La batai ruh ba ka rynïeng jong une uba la khlad ka long 5 phut 4 inshi bad u don ïa ka met ka phad kaba raikhoh bad kaba dum snieh doh.
Kino kino kiba don jingtip halor une uba la khlad ki lah ban ai khubor sha ki pulit ka East Jaiñtia Hills.
