Jowai, Naitung 03:
Ka Jaiñtia Hills Truck Owners Association (JHTOA) ka la pynphai ïa kawei ka Truck Trailer 18 shaka kaba don ïa u nombar AS01-PC-8863 kaba kit dewbilat na karkhana M/S Goldstone Cement LTD, Lumshnong sha Assam.
U President ka JHTOA, Bah Biangshwa Shylla u la ong na ka por sha ka por ka JHTOA ka la pyrshah ïa kum ïa kine ki trok ban kit ïa ki mar ba pynmih napoh ka jylla bad district namar lada ailad ïa kine ki trok kan pynduh trei pynduh ktah ïa ki trai ri trai muluk khamtam kiba don ïa ki trok.
Shuh shuh u la ong kawei kaba ki pyrshah ïa kine ki trok namar ba ka surok kam pat ïa hap ban wan kum kine ki jait trok kiba heh.
Ïa kane ka trok 18 shaka la bat da ki dkhot ka JHTOA ha Petrol pump Shohshrieh, East Jaiñtia Hills District ha ka janmiet Lah Sngi U Blei.
