Baghmara, Naitung 07:
Ki arngut runar kiba la kynnoh donkti ha ka jingthombor bad jinglute ïa uwei u nongkhaiï na Assam kumba lai taïew mynshwa, ki la shah kem noh ha ka Sngi Palei ha ki pulit ka South Garo Hills.
Ïa kitei arngut la kem da ki pulit na ka lai lad ha Sibbari bad la ïoh kurup ruh ïa kawei ka tiar siat bad ki jingpynbthei. Kine kiba la shah kem ki dei kiba la ithuh kyrteng kum u Chengsang M Marak na Depogre kaba hap ha Damal Asim (Dadenggre), West Garo Hills bad u Sengchang N Sangma na Pawalgre, Mindikgre, South Garo Hills.
Ki pulit ki kurup na kitei arngut ïa artylli ki jingpynbthei ba la shna hi, bad kawei ka ‘Pistol’ ba la shna ha China. Ka jingkem ïa kine arngut ka long halor ka jingujor ha thanat Gasuapara bad Silkigre.
