Shillong, Naitung 07:
U Joint Director of Health Services (SS), Civil Hospital, Shillong, u la pyntip ba uwei u nongpang ba la tip kyrteng kum u Federick Shangpliang, 23 snem ka rta, na ïew Polo, Stand Taxi, Nongmensong, Shillong, u la wan thiah pang ha kane ka jaka sumar ha ka 16 tarik Jylliew, 2023. Hynrei u la khlad noh ha ka 4 tarik Naitung, 2023 ha ka por 4 baje janmiet.
Kumta la kyntu ïa ki bahaïing hasem jong utei u samla ban wan shimti noh ïa ka met kaba sah na ka jaka buh metïap ha Civil Hospital hapoh lai sngi. Lada ym don kiba wan kam, ïa ka met yn sa aiti noh sha ka Shillong Municipal Board ba kan tep.
